رحلة سندبــــــــــــــــــــــــــــاد

رحلة سندباد
موقفك واضح معي وجداً صريح
دعني ابرز موقفي وضرفي الصعب
ردت انسى واسد شباج الظنون
وبالفعل حاولت اسد باب الگلب
لكن اتراودني كل الذكريات
اتبوگني الصفنه وتغافلني وتطب
ارجع اغضب وانتفض وازهك واثور
واستعيد الماضي واعلن حرب
لأن جرح البيه اكثر من دليل
والجرحني انجرح وتحمل ذنب
ولو صرنه اثنينه ابنفس المصير
هذا مايعني استسلم ونسحب
اليريد ايحبني يندل خدي وين
لا يغالط نفسه ودموعه التصب
ماطفت ناري ولا صارت رماد
ليش ليليه احترگ وطفه واشب
مره وحده انصلب بالدنيا المسيح
وانه يوميه اكابر ونصلب
جنت نايم ماحسبت الينحسب استيقظت بعد مافات الاوان
الگيت روحي بلا حبيبه ولامحب
ماكو واحد يلتفتلك من تصيح وتستعين ابعينه وتوجد الدرب
بياسفينه اوصل الى بر الامان
والعواصف لعبت ابحالي لعب
خلصن اثلاثيني رحلة سندباد
وفرني زنجيل الوكت شرگ وغرب
المهم والاهم ماذليت يوم
وحتى بأخر داس ماخفت انغلب
جازفت وجاهلت كل الحضور
لأن نقطة ضعفي جنت ابيض گلب