مناجاة في الحضرة العلويه ((حيدر يا شفيعي ))

مناجاة في الحضرة العلوية

حرت وعيوني صارت تربي عل الباب وكَلبي يطفي نيرانه بلهيبه

ولبست الخوف من الخوف جلباب وصرت مثل العليل الشح طبيبه

وكرب وكت المنية وحل الاعتاب وملك الموت اجه بطلبه عجيبة

شكول شلون شنهو الراي يحباب ومنهو اليفزع اليوم الحبيبه

انه المذنب بحق الله وبالكتاب وبالي انزله وكل اليجيبه

انا السارق انا الزاني الماتاب انا الناظر بشهوة وكلي ريبه

انا الماكل حرام ولابس ثياب. من كل معصية ومن كل رهيبة

انا الحاجي اعله ناسي انا المغتاب وياكل لحم ميت الاخذ غيبة

وباجر من اطب والناس غياب وافوت لحفرتي الوحشه الغريبة

وينشد منكر يطالبني بجواب ادور علجواب منين اجيبه

شقدم ياعذر يااسف يااسباب . جزاتي لربي ذنبي مجان طيبة

ضاكت والفرج بس عند ابو تراب علي الكرار يمسهل العصيبة

مذنب جايك من الذنب انعاب اريد مروتك تستر العيبة

ذليل بين اديك ودمعي خنياب . .اجيت بذلتي كاصد الهيبة

شعجب ترضة علخادم الك ينصاب ولهيب النار يصليه ويذيبه

وانه هذا يداحي الحصن والباب احطن روحي يم كَبرك كَريب

شكثر ظنيت بيك وظني ماخاب ..اليحبك كلي يانار التصيبة

واريد تحضر ياحيدر بالحساب وانه خادمكم وهاي المصيبة

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله الرحمن الرحيم
اللهم صل على محمد وآل محمد الطاهرين.
..............................
قصيدة رائعة وحلوة ومفيدة وعجيبة والأحلى هو
ضوء القمر الجعفري.

الف شكر على المرور العطر
أنته الاحلى يا صديقي الغالي
تحياتي لك بدوام الصحه والعافيه

الحمد لله الذي خلقنا وهدانا لولاية امير المؤمنين عليه السلام

وجوه ناعمة واخره لتدمه
ويفوز المن علي صك عنده مختوم

[ندعوك للتسجيل في المنتدى أو التعريف بنفسك لمعاينة هذا الرابط]