زنجيل ابوذيات صاك.

** زنجيل ايكَطع من الابوذيات**

يهل تنشد الحالي ..حاليفاني
وبس الحزن بعدك..حالفاني
ابد ما احب غيرك ..حالفاني
وجتف روحي الك بثنين اديه

واذا اجتفهه بيدك ..انت حلهه
وروحي اتحب عشرتك..وانت حلهه
لغز صارت محبتك..وانت حلهه
دحلهه ابساع حته اصير اليه

ونصير احباب منك ..وانت منه
وامل ما عدنه صدكَ..وانت امنه
شكثر نحلم ابشوكَك..وانتمنه
شجاك وبالوصل تكطع عليه

واحنه الما كَطعنه ابيوم..وصلاك
لان شخصك نعرفه امين ..وصلاك
صيامك ما يفيدك بعد ..وصلاك
لان دم ابركَبتك ظل اليه

لون ناسي الكتلني..والدفني
وخذت بالعشكَ فني ..ودي فني
لون تدري انا اشودي..ودي افني
ديار اهلك هذيج العل وطيه

واكَلهم حكَي اريدنه..وثاري
لان يمكم لكَوجثتي..وثاري
ابنكم هوه كاتلني ..وثاري
دفني وما يريد ادلي بيه

لان اجفوفه بس الهم..ودلي
ومليته بحزن فنجاني ..ودلي
بعد ما علم ابجرحي..ودلي
لان ياهو الاعلمه يلجمه ليه

وكَل للجرح يمعود ..وك اشفه
صديقك روزه بالمحنه ..وكشفه
الحبيب الجرح ما شوفه..وكشفه
لان يحسبه نقطه ظعف بيه

وانا الما بينت نقطه..ظعف له
وحبه ابكَلبي لو يدري..ظعف له
الجسم بجفاك يمدلل..ظعف له
وصفيت ابمجهر ايدور عليه

تسلم جميل جداً

شكرا جزيلا

الله عليك على الابوذيات الرائعة اتمنى لك المزيد من التقدم تقبل مروري