هو .........هي

موضوع: هو .........هي الأربعاء فبراير 25, 2009 10:14 am

هلو شباب وصبايا عندي شعر كلش عجبني وحبيت اخليه بالمنتدى
هي : مر بية وامشي وياك مر بية وينك صحرا والك احتاج اروي بحنينك
هو :مريت ظني الكاج شو ما لكيتج مثل السراب وراح شو ما دريتج
هي : لا مو سراب وراح ماي انة صافي اشربني لو عطشان شرب العوافي
هو : مرات طبع الماي ما يروي عطشان يم النهر مشتول بس هو ذبلان
هي : ذبلان ليش تكول مو هذا غصنك اخضر حلو شفاف عاجبني حسنك
هو : اخضر ولو ذبلان كوة علية ما زعل العصفور لو يمر بية
هي : احسبني لو عصفور بس كون ازورك وارتاح لحظة وياك وافهم شعورك
هو : ارتاحي بس بعيد مو على اغصاني خاف ترى تجويج شجرة احزاني
هي : جا وين احط تريد وارتاح كلي متعوبة الجنحين وما بية اعلي
هو : شتعب الجنحين غير المسافة عمرج خلص تجوال لا يا حسافة
هي : تجوالي ادور عليك يا غصن عمري وما ردت غيرك اغصان بية انت تدري
هو : ادريج ما تردين بس ما وفيتي من شح علية الماي طرتي وعليتي
هي : سامحني انت بهاي وافهم ظروفي خفت انة ماكو ماي واذاني خوفي
هو : ما سامح انة بهاي وانسة شعوري لابد يجيني الماي طيبة جذوري
هي : ادري الجذر بي طيب بس الزمن جار خلانة نهوا الكاع وننسة الاشجار
هو : ما دامج تعرفين المن عتابج المفروض ما تنسين شجرة احبابج
هي : ما ناسيه وارجوك انطيني فرصة غصات بية هوااي مو فرد غصة
هو : بس كافي لا تحجين وشنو الج عندي كل الطيور وياي بس انت ضدي
هي :مو ضدك انة وياك بس جنت ذبلان , العصفور يفرح حيل لو خضرت الاغصان
هو : من واجب العصفور ما ينسه الاشجار ينصب مأتم نوح ويفزع الانهار
هي : فزعت ما كوماي كلهم صحاري بدموعي ردت ارويك وبعيني اداري
هو: شنو الفايدة تفزعين فزعتي شمات ما دام احب الطيور ما اموت هيهات.....................................

[ندعوك للتسجيل في المنتدى أو التعريف بنفسك لمعاينة هذا الرابط]

شعر جميل مشكورة الماسة

موضوع: رد: هو .........هي الإثنين مارس 09, 2009 9:05 pm