بسم الله الرحمن الرحيم
السلام عليكم ورحمة الله وبركاته
هذه القصيدة مشتركة لمولد الرسول الاعظم والامام الصادق عليهم السلام .
بنور المصطفى تضوي ليالينه
تشع الليله لنوار بسادس نور الاطهار
...............................................
الليله بسمه اسمع تغاريد
الليله تجمعت اعظم مواليد
الليله للفرح خل نعلن العيد
وطلب يل محب هليله شتريد
فتح باب العطاية اليوم بارينه
بفضل مولد المختار وسادس نور الاطهار
بنور المصطفى تضوي ليالينه
...............................................
محمد يا نبي الرحمة والاخلاق
الك يهتف نبض كلبي بل اشواق
ويل نورك فتح عل دنية افاق
فرحان القلم ويهني الاوراق
الليله اكتب قصيدة بفضل هادينه
وسمع مني الاشعار بسادس نور الاطهار
بنور المصطفى تضوي ليالينه
...............................................
هنياله المشه لرض المدينه
يهني فاطمة بمولد نبينه
ويطش للفرح وردة حنينه
فوك ارض البقيع تصير زينه
رحمة امن الاله اليوم والينه
خمد مسعاها الاشرار بسادس نور الاطهار
بنور المصطفى تضوي ليالينه
...............................................
نور امن السمه شع للهداية
ومحمد منهج التوحيد رايه
وبحقه سور نزلت وايه
غسل وجه الظلام اليوم مايه
احله امن العطر شعت رياحينه
واهل العلم تحتار بسادس نور الاطهار
بنور المصطفى تضوي ليالينه
...............................................
الليله بل فرح نبعث تهاني
للامام القائم واعظم اماني
من نبض الكلب يهتف حناني
من نهج الرساله الخير اجاني
كلب ولسان نهجك تدري حبينه
نهج حيدر الكرار بسادس نور الاطهار
بنور المصطفى تضوي ليالينه
...............................................
وبهذا الفرح فرحانه الاملاك
كعدت بل حفل وتصفك اهناك
لأن شافت القائم حاضر وياك
واول ما بدء جبريل هناك
وكل شيعي ينادي اليوم حامينه
يحرم يدخل النار بسادس نور الاطهار
بنور المصطفى تضوي ليالينه
...............................................
خادم اهل البيت وافتخر
مرتضى الشيخ راضي الدراجي
الأحد ديسمبر 01, 2013 10:29 pm من طرف ابوالشاطر
