الك مشتا گ وتعنيت بابك
ارحمني ولك وارحم شبابك
حتى الله يسامح لو خطينه
جا انت شبلاك وشنهي صابك
***
الك مشتاگ بس الكم شكوتي
واصيحن حيل محد سمع صوتي
كله الناس حبت يألآهي
بس انا صفت بلوه بلوتي
***
ولك مشتاگ ما ظل صبر كلش
ولك مرات اكظ روحي واملش
واخاف بيوم عقلي يروح مني
وعلى راسك اهد قصرك وافلش
***
ولك مشتاگ مابياش اعوفك
واظنه الگلب يوگف من اشوفك
ولك طير واحومن فوگ دارك
وصرت كعبه الي يوميه اطوفك
***
ولك مشتاگ بس احجي ويه روحي
واسمعه الگلب هوه يگله نوحي
اسكت بالگلب وتهل الدموع
وانشفهن ترد تنزف جروحي
***
ولك مشتاگ فاض الصبر بيه
واجيك اليوم اسويه البليه
وخل تفزع عمامك كل خوالك
وتصير انت الاليه والعليه
اكييد منقول
تحياتي لكم ,,
الأحد ديسمبر 01, 2013 10:29 pm من طرف ابوالشاطر
