اجمل زنجيل ((اهداء))

لانك بالتـــــــــزامك مو منهلك
اخاف تشيل ذنبي مو من اهلك
منو بكدي يحبك مو من أهلك

منو بكدي يحبك من عشرتك
و تمنى يصير اصبع من عشرتك
و انا شكضيت خايب من عشرتك

اعد بسنين عشرتنة و اهي جروح
و احس وية النفس يطلع وهج روح
و اخيرا كتلي ودعني و هج..روح

اروحن وين ما اكدر هوا انته
و انا الما هان من اجلك هونتة
ال بدنياي شي واحد هوة انته

و حرت بين ان تركتة و ان تبعتة
و انا الونيت و الون ون تبعتة
ما باعك حبيبك و انته بعته

و حبيبك باع عمرة و اشترك بيه
و حزن كلبة على حزنك و شترك بيه
و بعد شتدوس كلبي و شترك بيه

جبل حبه و تكلكل لان تكل بيه
و يا دنيا شما تدفعي لن تكلبي
و اذا تنساه يكلبي لنت كلبي

و لااريدك بعد و بصدري احملك
حبيبي شلون ترضى بصد رحم لك
و اذا حملك يتعبك بصدري حملك

الي و روحي الارض و شكد دولها
و تداوي الداء لو بالمخ دوا لهه
بس العين ما يصلح دوا الها

دواها العين خلها من تقر بي
و تصب كلما تشوفك منت قربي
و لك شيصير حبك من تقر بي

و تحبنـي انت يقين بصدري مو شك
الف شوكة السكوت بصدري مو شك
ذبل كلبي و تشظه بصد رموشك

صدك ينسة تراثة هسة جيلك
و تشوف زواج عيني هالسجي لك
و انادي و ما تكلي؟؟ هسة اجيلك

صحتلك يا و صارت كبر يائي
و اذا رائيت بالشط كب ريائي
حبيبي شلون تجرح كبريائي

و تذلني كبال كل ناسك وناسي
و بقيت بصحرا شاتلني و ناسي
ناس تكول لا تسكت و ناسي

لان كلش مذلتــــــــي لاكت الهم
و جبل حبي المقدس لاكه تلهم
كالوا حيــــــــــــل ذلك لا كلتلهم

عناية احتاج قلبه و جاي اعاني
و خفيت شكثر منك جاي اعاني
وتمرمرني من ازورك جاي عاني

[منقــــــــــــــــــــــــــــــــــــــول]

زنجبيل رائع شكرا جزيلا

رائعــــــــــــــــــه دائماً في كل ما تنقلين وتكتبين

انت الاروع اخي الامبراطور .. نورت الصفحة

[ندعوك للتسجيل في المنتدى أو التعريف بنفسك لمعاينة هذا الرابط]

دائماً تعطر مواضيعنا بكلماتك وردودك
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

احييييكي روعه الكلمات وفعلا انت متميزة

نورتي متصفحي .. انت الاروع اختي العزيزة

[ندعوك للتسجيل في المنتدى أو التعريف بنفسك لمعاينة هذا الرابط]