تسالني اشلون اخلص الاسبوع

حبيبي اتنطّرك واحسبلك ايام
يوم يجرله يوم ويكَضي الاسبوع

واطشهن واهلية بأحلى دمعات
وارسملك صورهن وي الدموع

يم طيوف شخصك تغمض العين
واشوفنك حلم بعيوني مطبوع

واشبكَ على احضانك واغفة وارتاح
واضم راسي على صدرك بين الظلوع

صواني العيد حبك والفرح ياس
واحلامي ابمحبتك تشعل شموع

اشم عطرك حبيبي وتشهكَ الروح
وأحسـنّك جذر بكَليبي مزروع

ياموضوع احبك واشتهي الكاك
شكثر شايل حنان وصرت موضوع

انه كلبي طفل مايعرف فراك
فـزّ وما لكـــَاك وصـاح مفـزوع

صدك ترجع حبيبي ويفرح البيت
واطش جكليت حبك بين الفروع

يمتة ترد تعـــال وبســـّك اغيــاب
حبيبي بغيبتك جن كلبي مصدوع

شمعاتك تتاني وبلجن اتعود
افترسهن ليل هجرك خلصن موع

بجن روحي ومهجتي وشمعك وياي
مثل بجيي اليتيم وكاتله الجوع

يابخت الينام وكلبه مرتاح
عمر خلصته انام ابكلب موجوع

لاتسألني يومك يخلص شلون؟
هيج يخلصن ايام الاسبوع

آني أكظي أسبوعي بذكر حبي
وأتغزل بحبه بكل الاوقات
خمس مرات على الموعد أشوفه
واذا رايد زيادة ..أتزيد طاعات
أنا أبعد بعض أحيان عنه
وهوه بالكلب زارعله شتلات
ما أنساه لحظه أشلون أنساه
وأذا أنساه أتيهن بالمتاهات
لذلك قررت ما أحب غيره
أحب رب الارض ورب السماوات

مشكورة الصريحه على هذا الشعر وهذا الكلام الجميل
وأرجو أني وفقت للرد عليه

حياك اللله واشكرك على ردك المميز ومروك الرائع

وفقك الله

شعر رائع

انه كلبي طفل مايعرف فراك
فـزّ وما لكـــَاك وصـاح مفـزوع

مشكوره اختي
على الشعر الروعه
مع كل الود

الحب هبة الله للمحبين والشوق طير يخفق باجنحة من نار واللقاء جنة لاتدوم والقلب سجين بلا قضبان وغريق بلا مياه ....... الصريحة مشاعر مكتوبة على جدار الانسانية