ابوذيات اتمنى تعجبكم ..

جنت صافن ضربت خماس بسداس
ساسك صح بنيته وياك بس داس
صحيح انه العبت وياك بس داس
افر الزار كاز يصير الية
******
رضيت ابضيم عذالك ويهلـــــــك
وعارك حيل مابيه ويهلـــــــــــك
لبوك ادعي ابمرض قاتل ويهلك
ومك تنعمي وتصير اليـــــــــــه
******
المن خزرتك يا ترف والصاد
تلفت گلبي بعذاب الهجر والصاد
الف جزوة انصب للوصل والصاد
عذولي و ضاعت الفرصة علية
******
البخلّ ما وصل يمي .... ما لحاني
وتضل وحده كلمتي .... مآألحّ آني
كريم و هيت امي ..... مالح آني
معّزب دوم يالتنشد عليه
******
ازرع ورد واحصد شوك واجني
وغرامك بالف لهبه نار وجني
يقاسي الكلب دمعي حرك وجني
ولا مرة عطف كلبك علية
******
عطر منك يمرنه بسد وردنه
زرعنه الخير بينه وما وردنه
خبر مكتوب منك لو وردنه
اجيك ازحوف وحجيلك عليه
******

ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونگسمن سويه
******
جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية
******
تعال انظرضنى حالي ولوني
بجفاك وصل غذالي ولوني
طريح اوساد يحبابي ولو ني
اصبر والصبر ما فاد بيه
******
اجيك ازحوف ماأتعب ولفحط
وبنص الكلب ياوادم ولف حاط
ألف حراس لو خــلو ولفحط
اجيلك واليصير يصير بيه
******
حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه
******
ابسبب تدري اعله مامش راح مديت
شبابي والخلك والموس مديت
صبر ونخه يداحي الباب مديت
حالي ابمستحه اعله اجفوف اديه
******
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه
******

أنكتل كدامي كلبي..منسكتله
ودم مادام جرحي..منسكتله
طلع عينه كلبي...منسكتله
وعافه براحته يلعب عليه
******
كلبي شم عطر خدج وراساج
وعلى مرمى العشك حطج وراساج
احلف بالغزل واهله وراساج
معوفنج لمن تدنه المنيه
******
نفسك دوم حاسبها ولمها
تره امن ايدك مسرتها ولمها
فقير الحرص عالدنيا ولمها
وغني اليقنع ابرزفه لبلا شجيه
******
عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بية
******
ذبل هرش الگلب يبناي عوده
وانا من احبابي ما حصلت عوده
يرد للدار مـا ظن بعد عوده
ويرد شملي يـمه بيك اليـه
******
كافي جفة يحبابي بس عاد
ودعي من رب العرش ايامكم بسعاد
عهدآ عليه اذا الغالي بس عاد
احني جفوفي ودوس المنيه
*******
ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه

[ منقــــــــــــــــــــــــــــــــول ]

الماصحلك يخيي مــا صحالـــي
ولي صاحب تعلعل ما صحالـي
صحت ياحظ يخايب مــاصحالي
تركني وشمت العدوان بيـــــة

الدهلةسنين عافتني ولاجــــــت
وروحي عالشلب زهكت ولاجت
لاحنطة زرعت كاعي ولاجـــــت
لئن صبخة ومزن شحت عليـــة

أحزان الوكت ماظن بيه راحــات
وعلى الموزين ماتنصفك راحات
النفوس الهذباهه الصدرراحــات
لديار الغرب وسجون ال اميــــة

هنيئا للسمع عنهم وعاشـــــــر
أئمة الما رضى عنهم وعا شـر
أعد أفاضلهم وأسطر و عاشـــــر
أعد فضلة ويرد فاضل عليـــــة

أحبة وبية متولع ولــــــــــــع راق
وكسبت الحب من الطيبة والعراق
جميع الدول ماأهوى والعــــراق
أموت ولا يمسونة برديــــــــــة

بنيت ومـــــا ثبت بالكاع لبنــــــي
وجعلت العمر كلـــة فدى لبنـي
أشو لمن كبر يــــــا ناس لبـنــي
ولا جني الحملتـــــــة أبين أدية

الخمرياصاح يطلعلك من الـــخل
وجثيرالحسد لوضرك من الخل
تعرفهه وجاي تسئلني من الخـل
على الماي الشربتة سموم حية

شلون اتباهى بالخوة وخلــــــخل
وانة كليبي ترف كلش وخلـــخل
العسل لوردت أشيلنة وخلـــــخل
عسل يرجع ولا جن حامظيــــة

الذيب شلون اميزنة من الشـــاة
وعلية الدهر ذب ضيمة منشات
سألت الشامت وكتلةمن الشات
كسركلبي وعلي طش واهليــة

روعـــــــــــــــــــــــــــــــــــــــــــــة وذوق رفيع
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]