ما جيت أدور من ورا الشعر مليون أللحمد لله و الملايين ذيه
حب البشر نعمه ولوما يقولون واللي حصله حبهم وا هنيه
فأن كان لي هذا فأنا صدق ممنون و لا هي غريبه من هل الطيب ليه
جيت أسرج أخيولي مع اللي تشوفون في جو فيه أمن النتافس بغية
للبريق اللي كلهم به يحلمون بيرق سمو الشعر و أغلى هدية
فكبرحدث للشعر ذا اللي تحضرون برنامج له صبغة عالمية
نجم برز يوم النجوم أيتهاون و أصبح دليل لقاطع الجرهدية
وأنا حضرت ودي اللي يودون بعرض لكم من جرة الماس طيه
يا علها تسكن معاليق وعيون لين يترقرق دمعها في حوية
وأرقابها في قمة تستحقون وأداعب أفكارالعقول الثرية
وأنسج خيوط الفكر شكل و مضمون وأمد بيدين الكريم العطية
حنا وطن واحد ولافرق فاللون أشراف خلق وكل أبونا سوية
وحنا الرجال مطوعة كل مجنون وحنا عيون الدار وأهل الحمية
العرض واحد والوطن بيت واحد مسكون والجرح ينزف من قلوب ندية
الله يا بغداد وش عاد يبغون أكثرمن اللي فيك ظلم وأذية
تفريق الشمل و زعزعة أمن وظنون وخوفا معشش في صدور البرية
وجوا مكهرب بالأكاذيب مشحون شب الفتيل بكلمة عاطفية
سود الليالي في رحاها يدورون زرق العيون معيدين الضحية
يسعون في تدمير هالأرض يسعون وتدمير عب للمعالي الرقية
شعب بنا للمجد فالقمة أحصون رمز الحضارة و العصور الأبية
لكنهم عن مطمع الدار يخسون أرواحنا وأرحامنا دون فية
خلف الرجال اللي لها العلم مزبون بيض الوجيه أهل االعزوم القوية
قادتنا اللي في اللقا ما يمنون سقم المعادي و الكبود ألرديه
أشيوخ في كل المهمات يوفون ولهم بساحات الوفا مقدرية
خطل اليماني من العلا ما يردون كسابة أجلال العلوم العصية
اللي عليهم يسهل الأمر و يهون وكل العظايم عندهم من/تهيه
* * * * * * * * * * * * * * * * * * * * * * * *
هذه الكلمات للشاعر الامارتي ماجد المنهالي القاها برنامج شاعر المليون .. كلمات روعة حبيت انقلها الكم
الأحد ديسمبر 01, 2013 10:29 pm من طرف ابوالشاطر
