زنجيل زهيري للأئمه المعصومين(عليهم السلام)

زنجيل زهيري للأئمه المعصومين(عليهم السلام)
اروع ما سمعت بحق اهل البيت عليهم السلام واتمنيت انزله مسموع لكني لم استطيع ولكن نزلته كتابه اتمنى ان تسمعوه للشاعر ابو محمد المياحي

ما يوم روض الوفا مني الورود أحمد

للمشى بخير وسعى واجب عليّ أحمد

حبي وودادي لنبينا المصطفى أحمد

دايم يظل متصل يارب يشهد علي

خل يقسي بي الدهر ويزيد ظيمه علي

ما عوف حب الوصي وابقى بولاية علي

بستان حيدر زها هاك انظر لزهرة

واللي يذب لي زهر ما همنا لزهره

للموت أصيح بحزن مظلومة يالزهرة

حب الزجية عمل ما يصح مثله حسن

وعروقي ماي الوفا من نهر ودها حسن

عند يا مرة منولد مثل الإمامالحسن

الحنظل بودهم عسل يشفافي بيه لحسين

بحب آل طه ارتقي من أحسن الأحسين

هنيالك المن صبح خادم صدق لحسين

اللي يضدهم هلك لو عمره ظل سجاد

لشيعتهم آنا افرشت جفن النظر سجاد

ومنك خديت الصبر يا سيدي السجاد

بصبر العليل اعترف لك يا زمن باقر

عود الصبح للعلم بين الملأ باقر

أرسل سلامه النبي لمحمد الباقر

أهل الذكر نهج وإخذوا عليه صادق

ماعندهم أبدا زلل كل قولهم صادق

جعفري آنا وهلي وإمامي الصادق

خل يبرد بشفرته دهري ويحد موسه

عاشق وعقلي شرك جن العشق موسى

لحاجتك يا من ردت اقصد وجهك الموسى

كل من قصد حضرته بالخير رد والرضى

نسحق بعظم اليضد ونكسره ونرضه

بالكاظم آنا اقسمت يا سامعي والرضا

ودهم لروحي درع بيه المخاطر تقي

والبايع آل النبي محسوب هذا تقي

إيا مذهب إمامهم قلي جواد وتقي؟؟

مذهب الشيعة صبح للغانمة هادي

للشيعة عمري نذر وبلا ثمن هادي

عاشر أنوار الهدى من فاطمة الهادي

عسكر بصدر الشعر ما ينهزم عسكري

جندي لبني فاطمة واقضي العمر عسكري

لمن يهل بالنصر إبنك يالهالعسكري

المتسمي باسم النبي مهدي الأمم أحمد

محمــــد مــــُرسل ابدعــــوه وكفـّه
وبيهــه الكـــل ظلـــم زاحهه وكفـّه
رحيــم البــــاري مختـــــاره وكفـّه
فاضت بــــالكرم لهـــــل البـــــريه
.............................. ...
المحمـــد گلبــــي خلـّيتـــــه وقفله
أگــــوم أمنسمع أبــــــأسمه وقفله
أبصــــــدري حُبـــه أضمنـّه وقفله
ونواطيره ضلوعـي أبكـــــل مسيه
.............................. .......
أنتشر عطـــره علـــى الدنيا وطيبه
ويشــــافي كل مرض عطره وطيبه
مكـــه ابنــــوره مســــروره وطيبه
ويشـــع الكــــون بنـــواره الضويه
.............................. .....
خـــديجه وحيـــدر واحمــــد وعمـّه
نــــور الدعـــــوه شــع بيهم وعمـّه
ابسورة مريـم أنــــا أقســــم وعمـّه
اليحبهــــم يــــتدخل الجنـــه الزهيه
.............................. .....
أبدليلي مــن صغـــر سنـّــه ولهلاك
يهـــادي النهجك انــــا اتبع ولهلاك
اليتبعك مــــا يمسه الشــــر ولهلاك
ولا اتمســــه جهنــــم بــــاي أذيــه
.............................. ....
فتــــح هــــالكـــون أوراده وزهره
وعطــارد والشمس صلـّـن وزهره
على الهادي نبي الرحمـــه وزهره
وأئمتنــه وعلــي حـــــامي الحميه