شيفيد الندم أندم**للشاعر العراقي كريم السراي

شيفيد الندم أندم

وابجى اهواى وتألم

بعد ماتنفع الشكوى اومنهو البعد هم يهتم

لملم كل بقايا الشوك يلجرحك جذب يلتم

واخنك عبرتك بالروح وازرع بالكلب بلسم

حسافه العمر منك راح لاجل اعيون ماترحم

اوحسافه ايذبلن اسنينك وانته الخضرة بالهم

يالتندب على الي راح اشوكت جاينتهى المأتم

اشوكت مو نشفن اعيونك بعد اشلون تبجى ابدم

شمسك غربة ياحيف اوبعدك ذاك المحزم

شكلك تعبتنى اوياك التريده بعد مايرهم

حرا م اتضيع الباقى اوكربت شمسك اتسلم

تعال اولم بكايا الروح والكيلك حضن ارحم

وادفن بيه كل الراح وابنى اعله الجرح واحلم

تعال انشد على المجروح وانغنى اعله المهدم

تعال اوخلنه نضحك حيل ونمسح كل حلم ماتم

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
على مرورك الكريم

يسلموووووووووووووووو
اخ ضوء على هذا الشعر الجميل
وتقبل مروري

نووووووووور الموضوع بمرورك العطر