((ياهو انته))
جرح مابين الجروح لو كلب من خوفه
يرجف لو الم لمن يهيد جفك بشريانه يعزف!
)ياهو انته(
ماعرفتك من نظرتك يعني معقوله نعميت
مادريت السبب جاهل سجل بدرس الطفوله
وشايل همومه على جتفه وصابت شفافه الجنون
من يريد الضحكه تطلع جتفت حلكه السنون!
)ياهو انته(
حلم لوصحوه وحقيقه لوقضيه تلفقت فجئه على
روح وجابت بجفهه الوثيقه وانه ما املك محامي
وشنهوا ذنبي كلي وردك يختلف
عن الورود واصدر اقاضي بجلسته
تنعدم كل الحديقه!
)ياهو انته(
مركب يحب الوداع لونسيم يمر عليه يحرك احساس
الشراع وانه صاعد عالسفينه والدرب كلش بعيد وتيهينه
وفوك كل هاي المخاطر اعمه قبطان السفينه!
)ياهو انته(
قصه كاتبهه الزمان لوقلم ماتت قضيته وماكدر يمحي التخلف والتخلف شوه حروف الحقيقه
وخله انسان التحظر يكتل ويذبح صديقه بكل مكان
وانه ماشايفلي واحد بس يصلي وماعرف معنى الاذان
)ياهو انته(
ليش تتبع دربي ليش وانته جنحك طير رخ وانه طير بلايه ريش شلون اسافر وانه غركان بنهر روجه جتفني بخطر
وانفضح سرك عليه وايقنت
انته القدر
انته القدر
انته القدر
__________________
للشاعر حيدر الكعبي
الأحد ديسمبر 01, 2013 10:29 pm من طرف ابوالشاطر
